為咗令班幫佢多年嘅同事有更大發展空間，立法會會計界議員「波波」陳茂波早前透露會將自己間「華德匡成」同陳葉馮會計師樓合併為國富浩華會計師事務所，等同事接多啲生意。
國富浩華前晚舉行成立酒會，除議會班同僚外，嚟撐場嘅仲有運輸及房屋局局長鄭汝樺、政制及內地事務局局長林瑞麟、公務員事務局局長俞宗怡、財經事務及庫務局副局長梁鳳儀、商務及經濟發展局副局長蘇錦樑、審計署署長鄧國斌等，都算畀足面波波啦。
擔任新公司主席嘅波波話，近年香港會計師專業同審計市場出現好大變化，內地同香港兩地嘅業務將更趨一體化，會計師樓一定要進行整合，提升力量和水平，仲開聲叫大家繼續支持佢哋會計團隊喎！