年逾六旬嘅范醫生已經係第七次參加毅行者，佢話平時每隔兩個禮拜會行一次山，通常行西區多，佢講笑咁話堅持行咗咁多年，都係因為冬天要減肥喎。呢次佢同三個後生仔組隊參加，見佢帶備行山杖、水樽等，全副武裝準備出發，但今年天氣特別凍，有冇着多件衫呀？佢話：「有呀，着咗兩件咁多！」仲係T恤嗰隻，唔到你唔服！

講到搞噱頭，都係魔童拿手啲，佢着住自己設計嘅制服（圖）同隊員亮相，但幫佢哋拎食物嘅支援隊就有二十人，認真巴閉。魔童話為咗參賽，練咗三、四個月，朝早食咗一大碗飯打底，但仲係「唔知行唔行到」喎。