扮嘢文話自己投資絕對唔會跟風，仲要人棄我取。近年豪宅市道炒得瘋狂，佢反而喺年初以二千六百萬沽售淺水灣豪宅，勁賺約千三萬，之後未再入市，理由係樓價已升得太高，係時候走人。

人人掟貨時大舉入貨

依家買豪宅制唔過，佢反而瞄準四川市場，半年前喺成都狂掃十九幢物業，租畀商戶建立「成都老蘭」，真係識得賺錢喎！佢仲分享發達錦囊，話投資最忌衝動，時刻提醒自己入市前唔係諗賺幾多，而係計蝕幾多，咁就包保唔會買錯嘢嘞！

佢坦言投資最忌喺高位同人搶貴貨，就算搶到都唔夠買驚風散，寧願趁市場出現兵荒馬亂、人人搶住掟貨時先至大舉入貨。咁即係話博亂掃貨啦！扮嘢文白手興家至今，佢嘅投資心得應該值得參考嘅。