身兼香港青年聯會副主席嘅阿Ken朱鼎健，尋日同埋細佬Tenniel朱鼎耀出席全球最權威嘅美國職業高爾夫巡迴賽（PGA TOUR）一個獎項嘅頒獎禮。佢兩個都係高爾夫球發燒友，話題當然離唔開高球啦。
阿Ken話高球講求機智同EQ，好適合中國人玩，相信不久將來中國肯定會出現世界級高球手。老實講，阿Ken深得爸爸真傳，九五年由加拿大西安大略大學畢業返港後，即接掌家族生意，依家主力負責投資同產業發展。
至於細佬Tenniel喺加拿大多倫多大學讀完經濟，再深造高球管理碩士，依家主力搞高球發展，兩兄弟拍住上打理高球場，業務仲搞得有聲有色添！
