呢排樓價都好反覆吓，令有意置業嘅人士無所適從。咁啱尋日喺中環遇到「以心建家」嘅新鴻基地產副主席Thomas郭炳江，咁梗係要問吓佢點睇樓價啦！點知佢話：「嗱！呢樣嘢（樓價）我會講嘅，十二月公布（業績），到時就會詳細講喇！」尋日啱啱出咗經濟數據，P:唔通Thomas仲未計掂條數？
講番Thomas出巡嘅排場，同以往一樣如臨大敵，除咗坐住價值七百萬元嘅寶馬760LIA High Security防彈豪華座駕外，仲有保鏢貼身保護，記者想行埋去佢身邊打個招呼時，即時被保鏢好似打籃球咁「嘜」到實一實。Thomas見到咁嘅情況，先至叫保鏢讓開，回應咗上述嘅問題。
