原來哥頓太太係熟客仔，每到大閘蟹季節就會叫老闆預留靚貨，但佢本身都係揀蟹專家，仲話農曆十月蟹公啲膏最肥美，肉質比蟹乸更鮮甜，唔食就嘥晒喎！

不過蟹膏好高膽固醇，唔知佢會唔會禁制身形肥大嘅哥頓食呢？佢笑言只要聞到香噴噴蟹味，老公同阿仔胡文新定會自動埋位歎蟹，睇怕哥頓歎完蟹後要跑番幾個圈至得囉！