「又制水，真正係無樂趣；又制水，的確係無謂；又制水，今晚點沖涼？成晚要乾煎真撞鬼！」

廣東旱情告急，珠海已經制水，澳門密切關注，香港呢？儘管東江水位同樣跌至警戒線，但由於「阿爺牌水喉」簽了保證合約，根據粵港供水協議，每年供水量不少於八億二千萬立方米，所以暫時不愁缺水。慣於浪費食水的港燦同胞大可繼續洗腳唔抹腳。

問題只是，山會窮，水會盡，專家估計廣東旱情只是剛開始，未知何時結束，萬一東江進一步乾涸，誰也說不準是否歷史重演大叫「樓下閂水喉」。

「又制水，夜街都無謂去；又制水，拍拖都冇厘味；又制水，妹佢怕我周身一陣除，成晚要乾煎真正悲！」

既然「阿爺牌水喉」瀕臨乾塘，敗家仔當然有必要養成節約食水的優良習慣。不要對號入座，敗家仔說的並非普通洗腳唔抹腳的小市民，而是香港頭號浪費食水的超級大戶──水務署。

全港水管總長度七千二百公里，由於嚴重老化，所以不斷漏水，一年漏水量多達兩成，亦即不少於一億六千萬立方米。大規模漏水固然非常浪費，更頭痛的是經常爆水管，往往導致交通癱瘓。

一邊東江水告急，一邊水務署漏水，即使全民節約，恐怕無補於事。不如這樣，假如真的再次制水，示威專家發動遊行，萬眾一心向水務署高呼「敗家仔閂水喉」。