好多人都知玩具大王對沙田區有好大貢獻,除每年捐錢辦龍舟競渡外,對區內團體亦好慷慨,但究竟佢同沙田區有乜淵源呢?佢話七九年由九龍塘搬入沙田區居住,二十年嚟識咗好多沙田友,佢單係喺沙田區嘅物業就有約二十個。
當晚好多政界人士有嚟捧場,而蔡老闆一家大細都到齊,包括太太、大女加敏同囡囡、二女加怡同細仔加讚,就連蔡太嘅媽咪同細妹都有到場,蔡家上下團結又溫馨。