昨凌晨零時許，姓陳（三十六歲）車長駕駛692號線巴士，由中環交易廣場前往坑口，當巴士駛至寶順路迴旋處左轉入唐明街時，疑因高速掟彎失控向右翻側，上層車廂首當其衝，如「拍薑」壓落路中石壆。巨響之後，車廂漆黑一片，所有乘客都向右擠壓，上層傷亡最慘重，坐近右邊車窗乘客，不是撼壆頭破面削，就是慘被人疊人壓致身體扭曲。

放大圖片	一名傷者打電話通知家人。	受傷乘客等待救援，友人在旁安慰。

傷者怒罵：你點揸車？

「媽媽，好痛啊」「救命啦，隔籬個乘客好傷呀」「老公，你唔好有事啦，唔係我唔知點算！」慘叫聲此起彼落，部分輕傷者自行爬出車廂，有的忙於救人，重傷者奄奄一息，有的滿身鮮血失去知覺。消防員及救護員趕抵，眼見血漬斑斑，大為震驚，由於已傾側的車廂狹窄，入內舉步維艱，部分傷重者被抬出時已陷昏迷。

街坊目睹翻車即時落街協助救人。

放大圖片

有輕傷乘客協助救援，亦有在附近的街坊聞訊自發到場協助，雖然互不相識的人，一時間亦出奇地合作，將一個個傷者小心扶往路邊候援，期間，亦有人認出傷者為自己鄰居，即時致電通知傷者家人到場，有心急父親立即到場尋子。

期間，有救人英雄一度情緒激動，報警怒問：「幾十個傷者喺現場，點解未到？」部分傷者發現肇事車長，更怒氣沖天，上前大罵：「你點揸車？ 」「咁都會撞？」他一直垂頭避開與乘客眼神接觸。

清理現場拾到斷掌碎骨

一名住尚德邨尚信樓的市民稱，當時倚在窗台吸煙，赫見唐明街發生巴士翻側，連忙落街救人，他說：「好多傷得好重，臉呀，手掌爛晒。」至於肇事車長聲稱路面有油漬始失控，他踢爆：「當時巴士前後左右都冇車，車速仲好快，我見佢完全冇收油，都知出硬事。」

其後，約二十名機動部隊警員亦到場協助在車廂內調查，政府化驗師則到場蒐證，上層車廂損毀嚴重，座椅扭曲變形，被壓中的石壆石頭更甩脫，可見撞擊力極大，有關人員其後將翻側巴士拉起拖走，然後清理場地時竟拾到斷掌、斷指及碎骨，立即將斷掌等由救護車急送醫院接駁。