阿Paul已向立法會申請準備提出「停建添馬艦總部」嘅議案。須知立法會三年前就批咗錢發展添馬艦，今次翻舊帳，佢話係因政府成日話要做亞洲區嘅國際金融中心，剛好過去一年，得「阿爺」幫手，唔少人民幣業務都開始喺香港落腳。佢認為特區政府有心同新加坡、日本競爭嘅話，就應該留意到中區甲級寫字樓供應緊張。

正所謂前舖後居，阿Paul覺得特區政府冇理由自己霸住最靚嘅地皮，應該將總部搬去九龍啟德機場舊址，一來嗰度交通方便，二來可紓緩紅隧同東隧繁忙時段嘅塞車問題，三來仲可以帶動舊區發展，真係一家便宜幾家着。咁即係要剷煲呔曾添馬艦呢個前舖啫！

添馬艦項目工程已如火如荼喎，佢照樣叫停自言唔應該稱為「癡人說夢」，叫做「think outside the box」就差唔多。佢仲話事前冇請教過佢老友金勞詹，事後向對方提起，金勞詹都話咗會支持，但係覺得有啲嘥氣囉！