話說財經事務及庫務局局長陳家強尋日設宴，同鐵頭仁、阿涂等多位黨友聚會，鐵頭仁匆忙走入會所期間，跌咗份文件都唔知。執起一睇，嘩！原來係一份關於泛民主派「五區總辭」嘅新聞剪報，並唔係乜嘢機密文件。鐵頭仁離開時得知遺失剪報後非常愕然，阿涂見狀，就講笑話鐵頭仁透過呢啲不經意手法放料畀傳媒，暗指鐵頭仁係「二五仔」。

但係鐵頭仁今次咁大懵確實響起警號，事關鐵頭仁幫阿涂做律師證婚人，要一早準備好結婚文件去婚禮現場，萬一中途或去到門口唔見咗就弊嘞！