宜點對點接觸青少

「依家嘅活動同青少年嘅真正所需背道而馳！」三十歲的王泳輝，九歲濫藥、十二歲首次吸毒，參加過禁毒訓練班、嘉年華，感覺悶極拒再參加，最終「你有你做騷，我有我吸毒」，他說：「我玩過畫班，畫直線橫線勁無聊！吸毒青少年驚上堂怕守規矩，有時間寧願打機、蒲吧，因乜要起身上堂？」

他批評現行禁毒活動與十多年前如倒模般，亦不應只投放資源在舉辦活動，反而應重視跟進策略，多些「點對點」接觸青少年：「記得有次社工好有策略，用時薪引我坐定定答問卷，逼我講自己嘢，事後有輔導我。」他指禁毒是長期戰鬥，至少三年：「政府唔好妄想要團體急就章整成嘅計劃書，一年後就會有禁毒成果。」

現於正生書院成功戒毒的十七歲青年振華，認為禁毒宣傳只是一場騷，毫無意思。「不如用資源諗吓點教我？用另一樣嘢取代吸毒。」另一名仍有毒癮的阿明（化名），直斥禁毒宣傳是成年人「交貨」伎倆，禁毒場合亦膚淺無味：「聽歌星唱歌、攤位掟公仔，同禁毒有乜關係？全部都係大人搞緊畀面派對，總之我哋唔會去！」