大會以美酒佳餚做招徠，一眾嘉賓梗係唔蝕底啦，見到旅發局主席田北俊同Rita都揸住酒杯，Rita仲食到嘴郁郁咁，不知幾滋味。

今年份施政報告畀人鬧到飛起，主責官員撐咗幾日，畀班議員鬧到頭耷耷，條氣可能有啲唔順，難得捱完，可以去西九海濱長廊吹吓海風，歎吓美酒，再吹吓水，唔知Rita係咪想化悲憤為食量，所以先露出個為食相呢？但尋日個場好墟冚，有成幾千人入場，睇怕都冇乜人理Rita嘅食相㗎喇。