本文重點
【記者王慧恩報道】「從來未見過阿哥流咁多眼淚！」望着床上的孖生兄長一動不動、身上插滿喉管，對着母親淚流披面的一刻，阿均百感交集，兄弟有難同當的感覺即時湧上心頭，期望能為兄長分擔一點痛苦。
阿均表示，當日接獲阿鋒遇上車禍重創的消息時，家人均憂心如焚，及至趕抵澳洲，目睹從前雄赳赳的哥哥癱軟床上，身上插滿大大小小喉管，即時淚如雨下：「佢嘅手腳都唔郁得，好可能就咁癱咗，雖然唔想畀佢睇到我哋傷心，但真係忍唔住！」
女友輕傷 不離不棄
回憶過去，阿均指兄長阿鋒性格好動，中學時已愛上重金屬音樂，與多名志趣相投同學夾band，參加過不少音樂比賽並屢獲獎項，且一直渴望到外國觀摩當地樂隊表演。阿均續說，阿鋒抵澳後，因工作關係，認識透過同類計劃到當地交流的台灣女友Stella，二人一見鍾情，本計劃年底一起返港，父母正為阿鋒回家的日子作倒數，未料卻傳來噩耗：「佢哋成日自責，話當初唔應該畀哥哥去（澳洲）！」
患難見真情，事發時坐在阿鋒身旁的Stella只受輕傷，經治療後已無大礙，現時衣不解帶照顧阿鋒，不時給予鼓勵。