據知，其家人為迎接賭王出院，近日忙於安排裝修工人重新粉飾大宅，宅內更進行小規模嘅改建工程，當中包括將不少門口加闊，以方便出院初期仍然要坐輪椅嘅賭王出入，盡顯細心。

尋日下晝，記者到淺水灣一號門外視察，發現有七至八名裝修工人正在趕工，屋內仲不時傳出鋸木同鑽地聲，部分油漆工人則忙於粉飾外牆，亦有工人爬高將長得過於茂盛樹木鋸斷，相信係要方便賭王返家後能夠清楚欣賞屋外嘅美麗景觀，有助加速病情康復。直至下晝五點幾，工人先分批步出大宅離開。

另一方面，尋日二太藍瓊纓、三太陳婉珍同四太梁安琪亦分別到養和醫院探望賭王，相信由於賭王出院在即，所以各人表現輕鬆，其中二太更主動同在場記者打招呼。