香港大學感染及傳染病中心總監何栢良批評疫苗招標工作緩慢，「當局未拍板又未畀錢，美國已頒布緊急狀態，若當地好多人打豬流感針，疫苗隨時嚟唔到亞洲」，他擔心港人錯過打針最佳時機，引致第二輪疫情的染病及死亡人數大增，建議港府加快買針步伐，為公營醫療系統作好準備，以免豬流感拖垮公立醫院。

何栢良指，美國本月才踏入冬季流感高峰期，已出現豬流感大爆發，疫情比夏季流感高峰期更厲害，每周平均有十名兒童死亡，英國疫情亦同樣嚴峻。他不排除本港冬季流感高峰期或由明年初，提前於今年十二月殺到，故港府應居安思危，加快訂購豬流感疫苗，及早為市民接種。「依家睇唔到當局喺公立醫院有咩部署，急症室、內科病房、深切治療部等人手，以及呼吸機數目係咪足夠應付疫情呢？」

水劑特敏福搶購一空

香港醫院藥劑師學會副會長崔俊明指出，豬流感肆虐全球，兒童專用的水劑特敏福已被搶購一空，豬流感疫苗愈遲供應，數量更不穩定，甚至缺貨，「若第二波疫情早咗嚟，兒童等高危人士就更危險，太遲打針就失去保護作用」。

衞生署回應表示，目前本港已啟動流感大流行下的緊急應變級別，該署繼續密切監察本地流感情況。