原來十幾年前，佢因為工作關係，成日要返內地公幹，每次都被人「隊」，幾啖烈酒就搞到佢滿天星斗，都咪話唔辛苦，加上依家年紀開始有番咁上下，更加明白酒乃穿腸之物，都係少沾為妙。

依家佢出嚟應酬，每次都會攞一杯做道具，唔會飲落肚，其他人見佢攞住杯酒啷吓啷吓，自然唔會逼佢，呢招都咪話唔醒！佢仲教落就算真係避無可避要飲落肚，都係淺嘗好喇，千祈唔好搞到酒後鬧事或酗酒。