事件發展到尋日，泛民飯盒會竟然通過今後討論再冇「五區總辭」常設立場，即係傾唔傾都得，或者考慮其他方案。至於早前有學者提及「五區總辭」補選應有三分之二選民投票門檻至有認受性，泛民則認為毋須訂立門檻，指門檻難以量度真實民意喎。如果投票率低到得一成又點呢？莫非泛民諗住將二○一二年雙普選訴求強加諸市民？

咁即使公文袋同社民連繼續堅持「五區總辭」，但睇白鴿黨個勢都似係龜縮居多，就算正如傳聞所指，最後要女助理醜聞纏身嘅甘乃威代表辭職，被公文袋列入名單嘅民協馮檢基都未必同你癲，所以睇怕最終都係變成鬧劇一場。