成為首名港人買家嘅胡文新，同時係理大校董同電動車督導委員會成員，佢話My Car會用嚟代步，貪佢細架易「就位」，方便穿梭港島，最重要係環保慳能源。但問佢架車揀咗乜色，佢竟然擘大個口得個窿，問完助手先知係銀色，認真搞笑。胡文新仲話My Car係佢第一架擁有嘅電動車，至於係佢第幾架車，佢就笑一笑當答咗。

機管局行政總裁許漢忠就話買咗嗰三架My Car都加晒冷氣，主要畀員工喺停機坪巡跑道同停機位時用，嗰度車速限制係三十至五十公里，啱晒數。