立法會秘書長吳文華前日表示，懷疑停電同大樓老化有關，亦唔排除係電器故障或者漏水導致停電。前日等所有會議完結後，當局即刻進行檢查，終於搵到大停電嘅元兇，原來就係三盞射燈。

吳文華尋日話今次停電事件係因為有三盞射燈燒咗，導致短路跳掣，前晚機電署已修復好，令尋日舉行嘅內務委員會會議可以順利進行。