美心飲食王國不斷擴展，但伍偉國亦有打敗仗嘅時候。話說十二年前集團開設一家Hello Kitty餐廳，雖然首年賺到八百萬元，點知熱潮退卻後，第三年竟然虧蝕八百萬，其後再開設超人餐廳一樣蝕錢，佢得出嚟嘅結論係：「千祈唔好經營卡通主題餐廳，因為客人係為卡通人物而嚟，唔係為品嘗食物。」

陳裕光亦有過失敗經歷，佢話大家樂最大嘅失誤就係太早進軍內地市場，由於需要進口大量原材料，令每個餐定價高達三十五元，呢個價超出當年內地人嘅消費力，結果生意慘淡收場，呢個教訓真係貴囉。