心臟病是本港第二號殺手，不久前財爺便因急性心臟病而入瑪麗醫院「通波仔」，得到第一時間悉心治療而神奇地百分百康復，明白了生老病死的人生大道理後，今後誓要活得更精彩。然而，最近有位患了心臟病嘅馮婆婆，到公立醫院求診，病情雖危，可惜要排期，目前性命垂危；其親屬慨嘆：點解曾俊華就「黃金六小時」，我哋窮人就六十日都未搞掂！
同人唔同命，同遮唔同柄。大人物與小蟻民，同一種病不同的對待，預咗啦，但係唔好官僚成咁！病情有緩急之分，病人必需短期內入院，卻依「程序」要排期一年，馮婆婆就是這樣等不及了。她雖也明白生老病死的人生大道理，可是迎接她的，分分鐘是驕傲的死神！
真正的醫療改革，並不是為醫療失誤塗脂抹粉，而是要想方設法加強設備、盡快設立二十四小時「通波仔」手術服務、縮短新症輪候時間、減少醫生文書行政、廢肥上瘦下政策、不要搞「門戶之見」與「不正之風」！醫療要成為優質產業，就不能玩這個「垂釣遊戲」：從別人已經釣在水桶裏的魚中再去垂釣。皆因一旦發現這種省事的方法，便沒人再願意費力去湖中釣魚了。周一鑊及醫管局高層，唔該畀啲「創意」喇！拜託唔好玩「朝三暮四」的把戲，小民再愚騃，也明白這不能增加一丁點兒總體財富，也不會多救活要等幾年才可「通波仔」的病人！
周一鑊大人，網絡上有一句話：別拿別人不當人，也別拿自己太當人。你點睇？別告訴老朽你把自己當神仙！