其實係送畀議員調和吓沉悶氣氛啫！睇真啲，原來係行會召集人CY梁振英、立法會議員葉劉淑儀同余若薇個樣嚟o架喎。

身為職業訓練局主席嘅梁君彥話，早前佢出席職訓局旗下嘅中華廚藝學院活動，遇見一位剪紙大師，於是叫對方整啲剪紙畀議員朋友。葉劉同CY見到張剪紙咁神似，開心到好似執到寶咁，仲拼埋身叫記者評吓分添。