其中代表廠商會嘅林大輝，就話好開心政府接納咗佢嘅意見，活化工廈，仲有一份過萬字嘅施政報告建議書作為證據。
不過代表總商會嘅林健鋒就話：「呢樣嘢好似我哋提先㗎喎？」強調呢個係佢哋經濟動力嘅重點頭炮建議，暗示林大輝執佢哋口水尾。
其實活化工廈建議早十年前就已經有人提，大家有乜好爭吖！記憶所及，近啲嘅有進出口界嘅黃定光，再早啲好似係工聯會嘅前議員陳婉嫻。