個訪問差唔多十五分鐘，九成時間都係陳維安喺度講，主要係解答有關教育政策，包括點樣運用何文田同黃竹坑嘅地皮做私立大學，同埋點吸引內地學生來港讀書等。首次上電視做直播嘅陳維安好淡定，冇口窒亦冇睇稿，似乎仲流暢過煲呔曾讀施政報告。教育範疇都係煲呔曾硬銷嘅六大優勢產業之一，陳維安赤膊上陣做電視直播，莫非要同女主播搶飯食？

但做主播始終唔係陳維安嘅專長，難怪有啲瑕疵出現，好似佢條呔歪咗啲，又唔知係咪尋日太早起身冇剃鬚、定係鬚根長得快，所以上鏡特別礙眼。喂，咁會扣印象分o架！