怕與檔主爭拗

記者日前下午到旺角花園街街市視察，發現兩小時內約三百人進出街市，當中使用公秤的僅得兩人。在該街市光顧多年的馮女士，認為公秤作用不大，「不嬲都唔會用！我都冇留意個秤放喺邊，同埋政府唔夠宣傳，我都唔識點用。」另方面，亦有街坊稱，用公秤覆核餸菜重量，有浪費時間之嫌，故甚少使用公秤。

吳女士（家庭主婦）：「試過買紅衫魚差唔多大細，但隔籬檔賣二十蚊，呢檔賣四十蚊囉！不過佢劏咗條魚我先知，真係無計！」

張太（收銀員）：「買海鮮一定畀人呃，只係睇呃幾多！佢畀多少少水都呃到啦，但我成日趕時間，所以唔會用公秤。」

此外，有主婦亦稱，即使用公秤後發現被呃秤，也只會無奈接受。「買得餸多一拎上手就知有冇呃秤，海鮮咁貴通常都會用公秤睇睇，但就算發覺被呃秤，都唔會投訴，因為擔心被檔主反罵我屈佢！」家庭主婦劉小姐表示，被「呃秤」後也不會向海關舉報，最多不再光顧。