主婦到街市買餸，總有被呃秤的經驗。「四十幾蚊買兩磅車厘子，攞上手時已經覺得輕飄飄，仲有啲舖頭又唔畀揀，攞咗返屋企先發現係爛嘅，你話喺咪呃人先！」在旺角買餸的主婦馮女士，向記者大吐苦水。另邊廂，在深水埗買餸的甘太，亦稱在街市買蝦時被呃秤，原本購買的一斤蝦，回家再秤時發覺只有十四両。
海鮮檔空磅顯示有重量
事實上，呃秤情況在食物零售行業愈趨普遍。海關今年首八個月共有八十八宗檢控觸犯《度量衡條例》的個案，較去年同期大增四成；而消委會今年首八個月接獲懷疑被呃秤的投訴也有十八宗，超過去年全年的十三宗。有業界人士踢爆，以往常用的呃秤伎倆，不外乎是調校磅重的磅或秤。記者日前到九龍區各街市巡視，亦發現部分海鮮檔的磅，在沒有使用時，指針不是垂直豎立在零的數值，相反是向右傾斜至零點一、二磅，有呃秤之嫌。
不過，業界人士指出，調校磅這一招太舊也太着迹，又易被識破，故不少檔主「棄磅用水」，將水視為百搭的呃秤工具。香港海鮮業聯合總會主席李彩華說：「海鮮放喺海水暫養，魚、蝦、蟹連水一齊撈上嚟，起碼要大力搖三、四次，先可以整走啲水，但部分檔販一撈起海鮮，即放入袋磅重，咁做根本係同海鮮『增磅』，一斤蝦入面，當中有一両都係水，加上佢哋可能又用埋厚膠袋載，令到重上加重！」
菜販以新鮮為由狂灑水
除了直接加水增磅外，一些檔販更索性將海鮮灌水增加重量。「個別檔販甚至將價格較高嘅鮑魚，放進淡水泡浸，令其體積變大，重量可增加兩成，畀人有『抵食夾大件』嘅錯覺，但發脹嘅鮑魚會好易死，變成劣質貨。」李又透露，部分內地蟹的水草更以蘆葦代替，吸水後可以粗如拇指般大，如吸泥水，重量更會大增，故行內亦稱此為「大草蟹」。據了解，被加料的蟹，單是蟹草的重量，已經佔整隻蟹重量的六成三。
蔬果方面，海外入口果菜商會會長吳永恩表示，部分菜販以蔬菜表面愈多水分愈新鮮為由，不斷向蔬菜灑水，以一斤菜心為例，當中約二至三両屬水分。此外，也有水果商販售賣車厘子、龍眼、葡萄時，混雜大量莖幹呃秤。「市民買餸一味貪平，邊有咁多平嘢？」吳永恩稱，近年市民抱貪便宜心態，不考慮貨品質素，令不法商人表面減價，其實呃秤騙顧客。
經濟差商戶呃秤減成本
除用水來「出術」外，若干售賣參茸海味的不法商戶為了增加藥草的重量，更不惜冒險將藥草「浸鉛水」，令其更「重身」。業界人士稱，經鉛水浸泡後，一般可增加數両重，消費者單憑肉眼根本不會察覺。
對於現時本港呃秤風氣盛行，經濟學家關焯照認為，經濟前景不樂觀下，市民購物時只重視價錢，商戶惟有將貨就價，變成惡性循環。關稱，商戶為求維持一定收入，呃秤減低成本。市民如想避免受騙，最好到有信譽的商戶購物，而商戶為了長遠利益，亦應自律。