影視處評審「完全唔專業」

以往曾參與多個出位廣告創作的廣告行合夥人陳大仁表示，現時廣告代理公司的尺度有鬆有緊：「有啲公司比較開放，唔會墨守成規；有啲就比較保守。」但他指出，本港整體的廣告評審標準依然較為保守，除了較歐美地區遜色，甚至較內地部分大城市例如上海及廣州落後，以兩地對「情色」物品的審批準則而論，無論是電視媒體抑或雜誌，「香港總之見到三點畢露就會ban，完全唔理內容講乜。」但內地一些大城市卻相對寬鬆。

陳又批評本港影視處的評審標準「完全唔專業」。「影視處主要由同一批人做審批，但歐美先進國家好似英國，遇到題材比較敏感例如涉及歧視女性嘅情況，負責審批廣告嘅部門會先諮詢有關專家意見，再決定係咪要ban。」陳說，若本港參考海外做法，相信有利拓闊廣告創作空間。