高醫生前前後後喺醫管局做咗十三年，佢話依家喺公立醫院排期睇專科，新症分分鐘等兩至三年先有得睇，變相逼病人幫襯私家醫院，如果唔係分分鐘「唔係急病都等到急」。

病人唔好受，醫護人員亦唔開心。高醫生話留喺醫管局最後嗰幾年，曾經畀私家醫生鬧，話只要將病人介紹入公立醫院，就算只係照X光都係一去冇回頭，令私家醫生冇啖好食。

高醫生指呢種指控唔多唔少都會對醫護人員造成壓力，搞到好似「做得好就有罪咁」，好鬼冇癮，呢個亦係佢當年決定離開醫管局嘅原因之一。