當晚最精彩嘅莫過於郭校長處女下海。吓！玩得咁癲？係下海喎，不過係下海做海豚訓練員啫！雖然郭校長仲係一身恤衫西褲裝扮，搞到大汗疊細汗，但仍然落力演出，首先摸摸海豚同佢溝通吓，接住畀指令叫海豚轉圈、擺尾，海豚竟然聽晒佢話乖乖照做，氹到郭位忘晒形，開心地轉埋一份。

郭校長對城大未來發展充滿信心，話慶祝活動陸續有來，包括城大夜宴、演奏會、學術講座等，節目多到媲美台慶騷。