本文重點
【本報記者】未入聯合醫院前，鄭小姐每日都更新個人網誌，將胎兒在肚中的每日成長點滴與網友分享。不過這個被她稱為「子宮日記」的網誌，在她入院後已沒再更新。事隔一年多，鄭至今仍不敢再打開網誌，「我唔敢面對網友問我個BB依家點。」
丈夫提出離婚
記者登入鄭小姐的網誌瀏覽，內裏記載了她懷孕二百六十九天的生活，最叫她驚喜的是透過超聲波，看到胎兒張開口的可愛樣子，她激動得緊握拳頭。「我想第日畀個仔睇呢個網誌，等佢知道媽咪懷胎十月嘅偉大，但出事之後，我唔敢再開個網嚟睇。」
年紀輕輕便失去子宮，鄭小姐承受不了打擊，一度患上抑鬱症，「手術後個傷口好痛，但肉體嘅痛點都唔及心靈嘅痛，我唔可以再生細路仔，我唔再係正常嘅女人。」自此她跌入人生的谷底，害怕被別人問起兒子狀況，躲在家中不敢見人，更曾三度自殺，但最後為了生命中唯一的兒子，她選擇活下去。
打擊接踵而至，丈夫因為不想斷子絕孫而提出離婚，鄭小姐痛斥：「我唔揀內地醫院，係因為啲親友話聯合醫院好，點都諗唔到會冇我同家人同意，就割走我個子宮，連帶我最愛嘅丈夫同幸福亦一併被奪走。」