【本報訊】六十二歲的楊華炳退休前是的士司機，五十六、七歲時開始發覺記憶力及專注力下降，「有時會唔記得路，仲試過有一次衝過咗隧道口，唔記得要畀隧道費，搞到職員追出嚟！」他稱健忘情況愈來愈嚴重，如洗澡後忘記眼鏡、手錶放在哪裏，人變得心煩意亂，有時候需兩周才能尋回「失物」，又試過搭錯巴士，「上到車就知錯咗，未至於迷路。」
去年他經轉介接受評估，診斷為輕度認知障礙，參與健腦操小組研究，至今十個月，他稱有顯著進步，現時已不擔心會轉變癡呆症。「依家就算唔見眼鏡，都會組織番成件事，諗番之前去過邊，專注力好咗，唔會淨係亂搵。」