阿人同擔任工會阿頭嘅太太鄧燕娥最近聯袂送囡囡Justina去美國，佢係去年會考嘅九A狀元，獲紐約大學收咗，佢哋專程送囡囡開學。Justina今年啱啱讀完中六，據講有三間本地大學爭住收佢，亦有唔少外國大學肯畀獎學金佢去當地留學，不過佢最後都揀咗冇獎學金嘅紐約大學讀新聞系。阿人話最多以後去少幾次旅行，慳番啲錢畀Justina做學費同生活費。

四十四歲嘅葉偉明早兩年同女朋友拉埋天窗，當時佢仲喺工會打工，搞結婚都要慳住使，最後只係近近哋去咗韓國度蜜月。依家佢「升呢」做咗立法會議員，就同太太去咗英國、法國同意大利豪玩兩個禮拜補數。