佢哋一家尋日先搭下晝三點機飛到東京，聽日再轉JR等到札幌。點解范太唔搭直航機嘅？凌華爆料話，范太想搭日本豪華列車好耐，所以特別安排呢個行程。其實搭火車嘅好處係可以欣賞沿途優美風景，加上豪華列車設備齊全，仲有懷石料理同法國菜供應，但價錢就好乸脷。不過唔緊要，事關今次旅費由女兒同女婿全包，當係送畀范太嘅生日禮物。

范太仲話，自己好鍾意去風景靚嘅地方，多年前曾經去過北海道，今次再去，係希望去富良野睇吓薰衣草園、住吓溫泉酒店，同歎吓美味嘅海膽。