本文重點
【本報訊】以性感作賣點的o靚模寫真集入侵書展，早前曾引起各界爭議，現時又捲入教科書出版延誤風波，一眾o靚模對此均感無奈。寫真集銷量達二萬三千本的周秀娜坦言：「我哋都係做番自己嘢，出寫真係我哋工作之一，但印唔切書呢件事，唔係我哋工作範圍內，印刷商都要有正確工作態度，要跟番時間印書。」
「印唔切可去深圳印」
Angelababy則說：「我唔係好清楚件事，但聽我經理人講，有時如果喺香港印唔切，喺內地如深圳或者近啲嘅地方都可以印，呢啲係印刷商排期做嘢嘅問題。」Angelababy的寫真集《Miss Angelababy》，銷量達三萬本。
八模兵團成員之一的A.Lin說：「我唔清楚件事，但係印刷商應跟Order做嘢，應該識得自己安排。」
另一成員Anjaylia則說：「我嚟緊都會入讀樹仁，係學生又係Model，作為學生，我認為教育制度一路係有變化，但印書啲嘢千祈唔好影響學生，學生都要返學。」八模兵團寫真集《Girl's Look Book》銷量約為二千本。