以前做大學生叫天子門生，但時代唔同咯，依家嘅大學搞到山寨工廠咁款，QC低到冇朋友，年年啤埋啲甩皮甩骨所謂大學生出嚟，兩文三語冇瓣得，廁所又唔識洗，難怪政府都要佢哋Set個最低工資，屬於幾千蚊嘅貨仔咋。
都係啲o靚模有眼界見識呀，求其烏低身派吓奶就得，麻甩仔嘅錢認真易賺，所以會考都懶得考，仲有其他幾件五十步笑一百步，苦口婆心勸人要讀多啲書，唔知仲以為佢哋手上有張哈佛大學沙紙，哈！原來都係剛剛掹車邊讀到中五，證書用嚟墊煲都嫌羞家啦。
其實未讀過大學仲有大把出路，之前請廣播處處長，中學畢業已經足夠有凸，千祈咪貪得意讀多個副學士呀，隨時嫌你學歷高唔請添呀。
版 主：小白
銜 頭：評論員
特 徵：路見不平，Blogger相助