沈祖堯話，依家父母太緊張小朋友，即使跌低都即刻拖住佢，所以佢教書時都唔敢鬧啲學生，怕佢走去跳樓。佢仲話，人好多時睇得自己太重要，大家應多啲去行山，見多啲高山、大海呢啲自然景色，自然會覺得自己好渺小。

肥胡就話自己個大肚腩就係失敗嘅例子，被人笑同醫管局嘅形象唔夾。講起佢最介意嘅失敗，係一個幾十年嘅朋友呃咗佢啲錢去投資，事後佢最心痛嘅唔係錢，而係無咗段友誼，事過境遷只能用積極心態面對。