本文重點
政府宣傳Out爆
好多人成日講香港濫藥問題幾咁幾咁嚴重,哎唷,唔好咁Out啦!依家後生仔幾乎十個有六個都索K啦,剩番嗰四個,有三個只不過係索壞咗腦,癱咗喺度失禁緊,流到一地都係,日日換十次八次褲,真係棉乾絮濕呀,邊有時間再索吖!另外有個好學唔學,竟然跟住政府宣傳片做,有日喺波地見到朋友畀人慫恿索K,佢二話不說搭佢膊頭話:「唔好呀,佢會害你一世㗎!」仲使講,當堂畀金毛飛打啦!
所以當局應該宣傳一下,後生仔下次見到書友仔濫K,應該立即話畀最信任嘅人聽,再唔係,去沙灘睇吓見唔見多多同寶寶龍,要注意喎,佢哋兩隻嘢係咪索咗K至聽你講喎。
發表方法
讀者如對本欄每日話題有任何意見,歡迎登入網址發表意見。本報保留採用刊登權利,不另作通知,敬請留意。
網址:www.sunsiupak.blogspot.com

