話說早前考察團開內部會議時，阿Paul謝偉俊建議考察團慳家啲坐經濟客位，或者畀團友揀座位級別，但立即遭一名建制派議員反對，認為應該跟足指引辦事。由於阿Paul冇堅持落去，小組最終通過一律坐商務客位，估計比坐經濟客位貴最少兩萬蚊，八個人合共多畀十六萬。

有團員質疑阿Paul身為旅遊界代表，好容易以低價甚至免費提升機位級數，其舉動純粹係想博出位，搞寸party，又踢爆阿Paul曾要求攜眷外訪，相當過分咁話。

問阿Paul係咪同白姐姐癡纏成咁，佢話自己係議會新丁，純粹基於好奇先提出有關問題，知道冇呢個規矩後，佢仲講笑話：「咁我就有藉口拒絕佢（白姐姐）喇！」