其實，豬流感疫情已經令旅行社、食肆及補習社都少咗好多生意，有家長更加擔心，幼稚園話咁快八月尾就復課，但政府到依家仲未表態，擔心復課無期。

之不過，醫管局主席胡定旭尋日出席教院公開講座時就大派定心丸，話：「豬流感好溫和啫，其實同普通流感差唔多，話唔定我都有豬流感㗎！」肥胡咁講，睇嚟唔當嗰宗嚴重個案係乜嘢一回事喎！

肥胡仲拍心口話復課唔會遙遙無期，但係咪九月就復課，就要等流感督導委員會決定喎。