「原定下個星期四喺區議會再次討論板間房問題，不過未開會就發生奪命火警，政府真係要負責！」油尖旺區議員許德亮表示，區內板間房問題嚴重，有唐樓甚至「清一色」被改裝為「板間樓」。

消防處屋宇署鬥卸責

深水埗也是板間房林立的地區，深水埗區議會私人樓宇工作小組主席衞煥南憤斥，他多次向政府反映板間房的潛在危險，卻換來一肚氣。他說：「消防處話只係管大廈公眾地方嘅走火通道，單位裏面就唔理；屋宇署又話，條例上講明只要冇改變樓宇結構同違反大廈公契，單位內點改都理唔到！」

本報記者到深水埗視察，發現有業主將一個唐樓單位分成九個板間房出租，最細面積只有約五十平方呎，一面是磚牆，另外三面則是木板，沒有窗門，一旦發生火警，木板必瞬間燒着加快火勢蔓延。此外，有單位設有近十個電錶，電力負荷甚大，但屋內無滅火器，亦欠缺出口指示牌。

「如果火燭，條路又窄，我又行得慢，實走唔切。」八十八歲鄭婆婆行動不便，獨居深水埗一個板間房，坦言擔心若發生火警無法逃生。