尋晚嗰場係甲一組男子籃球季後賽總決賽，賽事採五局三勝制，永倫之前已領先南華二比○，尋晚嗰場可以話係永倫嘅決勝局賽事，只要贏咗就可以捧走今年冠軍盃。外表斯文嘅龔仁心識唔識打籃球就要問佢先知，但佢特登為球隊撐場，好明顯係因為永倫嘅班主就係華懋集團董事兼集團總經理許業榮，咁當然要撐自己人啦！

話說球賽原定夜晚八點半開始，但龔仁心一早已經到場，仲同永倫嘅粉絲一齊坐喺觀眾席第一排。雖然許班主唔可以陪佢一齊坐，但無損佢睇波嘅雅興，比賽進行期間一樣鬼咁投入興奮，仲不時揮動打氣棒，十足十標準籃球迷一樣。