遲啲喺立法會休會後，佢會同屋企人去新疆行一轉，事關父親生前喺當地捐錢起咗幾間學校，為貧困少數民族孩童提供讀書機會，今次佢帶家人上去，除咗散心叉電之外，亦想順便了解吓呢幾間學校嘅最新情況，睇吓有乜可以仲做得盡善盡美啲，總算圓亡父嘅心願。

早前勞工界李鳳英喺立法會大樓碌落樓梯跌至盆骨爆裂，醫藥費加埋高達十七萬元，揭露立法會議員冇資格買勞工保險嘅問題，象哥於是自告奮勇，去信行管會要求討論，行政署因而醒覺諗計堵塞漏洞。象哥成日做好事，相信佢兩名仔女，會好似佢孝順父母咁孝順佢。