施榮忻話李家傑係好想出席，但佢因為感冒入咗醫院，嚟唔到。吓﹖唔通中招染上豬流感？施榮忻就話李家傑冇乜大礙，只係有少少唔舒服啫。

計劃首批義工尋日去咗香港盲人輔導會朝陽中心暨宿舍，探訪院內患有視障嘅弱能人士，啲嘉賓同院友齊齊jam歌兼大玩扭氣球，施榮忻仲一學就曉，即場扭咗隻可以化身白紋伊蚊嘅蜜蜂出嚟添。