暑假嚟嘞，學生哥有得提早放暑假，馬季亦喺七月一號抖暑，馬會主席陳祖澤（John）更趁臨煞科前替自購嘅新馬改名，講起佢匹愛駒嘅靚名，真係要佩服阿John嘅刁鑽腦袋。
尋日係本年度馬季最後一次快活谷夜馬，但天氣悶熱到飛起，平日西裝骨骨嘅阿John同馬會大董葉澍堃都唔打呔入場。阿John又主動報喜，話佢嗰匹坐緊「防疫監」嘅新馬已有「朵」，英文名叫「How Wonderful」，照字面意思翻譯，中文名應該叫做「真係奇妙」，但阿John靈機一觸將佢拆成四個音，即係「How—Won—der—ful」（好運得福）。
個名咁得意，實力係點就要下個馬季先驗證得到嘞。
