立法會開會時議員做啲乜﹖刨文件、質詢係正常工作，開電腦睇住議會外嘅天空亦大有人在。尋日公文袋嘅梁家傑喺財委會會議上，就公然瀏覽Facebook，仲被發現當時Facebook上係一個着住低胸小背心嘅妙齡少女照添！據講，佢盡情瀏覽咗接近十分鐘，到底邊個令袋巾傑咁着迷呢？
睇真啲，畫面顯示嗰位少女姓劉，個名由簡體字寫成，有可能係內地網民；版面上仲有另外六位網民嘅相，其中一張係袋巾傑嘅黨友陳淑莊。不過我哋現場所見，袋巾傑似乎對劉小姐情有獨鍾，足足開住佢張相近十分鐘。
期間，佢一度睇到喜形於色，仲望向隔籬位嘅同僚（圖），笑容可掬，唔知係咪因為談論緊相中人，引起身後其他男議員注意，圍上去望咗兩眼，然後又好快咁閃開；陳淑莊就向畫面瞥咗一眼，就冇理袋巾傑，唔知乜嘢意思。