醫管局高層昨日出席衞生事務委員會特別會議解畫,行政總裁蘇利民承認內部指引有矛盾,既限制專用藥物用於非指定用途要收費,又容許醫生在危急情況下不收費,「伊利沙伯醫院發生嘅事情的確令病人混亂,我向病人道歉,稍後會更改有矛盾嘅指引。」
食物及衞生局副局長梁卓偉強調,公立醫院「絕對唔會冇錢冇得醫」,今次事件涉及的藥物用於特別情況,並非醫管局慣例,醫管局會向醫生發出更清晰的指引。醫管局聯網服務總監張偉麟表示,草擬中的新指引不會再存在任何灰色地帶和不清晰地方,會刪除沒有其他替代藥物才可免費使用專用藥物的限制。若病人有即時生命危險,用任何藥物均不會收費,無論已註冊和未註冊的藥物用途、通用藥物抑或專用藥物。新指引諮詢各院行政總監和藥劑部後,會廣發予前線醫生。
多名立法會議員批評藥物名冊令本港醫療體制淪落到「冇錢冇得醫」,要求立刻廢除名冊。議員鄭家富擔心名冊對醫生造成掣肘,「前線醫生可能驚要孭鑊,危急情況下要病人畀咗錢先!」他認為藥物名冊應該取消,否則「有錢嘅人可能醫得好啲,冇錢嘅人危險大啲!」不過梁卓偉卻指,任何國家或地區的醫療資源均有限,很多先進國家都有藥物名冊,目的是善用資源和令更多病人受惠。
「有需要就用 唔好講錢」
議員陳偉業批評,藥物名冊中的階級歧視表露無遺,「病情唔危急,唔會咁易死,就用啲又平又無咁有效嘅藥,等佢哋慢慢死,簡直係慢性殺害病人!」
議員李華明怒斥事件令人心痛震驚:「緊急情況仲點可以有灰色地帶,要畀醫生清楚知道,有需要用就用,唔好講錢!」議員余若薇亦炮轟:「醫生已經急住救人,仲要諗合唔合乎指引?如果個病人有所延誤,責任邊個孭?」
病人互助組織聯盟主席張德喜批評,醫管局每年只用約二十億元買藥,根本不足以資助病人所需藥物,新指引只是一個微小的進步。他又擔心未必每間公立醫院都有緊急的藥物急救,即使指引放寬,部分醫院的病人亦未必受惠。