自立門戶，3L當然喺度坐鎮，但核心之一嘅發叔竟然遲咗半粒鐘先到。雖則發叔要開行政會議，但係創會咁大件事，有乜事都可以借歪啦，而新會徽嘅設計就更加惹人遐想。

新會徽以三條向上嘅藍線砌成一個看似係風帆嘅外形，寄意藍天白雲，一帆風順。之不過，以前就話3L啫，依家加埋發叔，應該係四條藍線先啱，點解得三條？弦外之音都好明顯，實際係三加一。

自由人態度依舊

老實講，發叔喺富貴黨期間係自由人，關係若即若離，連富貴黨都捉佢唔實，難得做番個真正嘅自由人，又點會畀3L箍死吖，尤其佢可以同3L行埋，但亦同「五散人」班獨立議員有偈傾，左右逢源就最好，若果咁快被標籤咗，日後好難做嘢，所以雖然佢加入3L呢個新組織，但相信態度依舊，都係若即若離好啲。