聞到番薯香，梗係想食落肚啦，但係鬧雙胞，總有一個人要讓路，即係個番薯遞到嘴邊都要掹走，究竟係IQ博士定蘇菲呢？結果係蘇菲爭贏咗，可以食番薯。點解IQ博士肯讓路？唔通係因為蘇菲手瓜硬啲？抑或IQ博士覺得好男不與女鬥？咁就真係要佢哋先知嘞。

不過，有一點好清楚嘅，就係若果兩個動議咁類同，啲議員讀稿都可以一雞兩味，似乎講唔過去，尤其外界已覺得立法會係口水會，既試過流會，又鬧過多次涉嫌公費外遊醜聞，費事又令市民覺得啲議員浪費納稅人啲錢，影響立法會形象就唔好啦！

咁IQ博士改咗乜嘢議題呢？都係熱點嚟嘅，就係促請政府要強化金融、貿易領域人才資源，吸引國際專才嚟香港。