陳智明兩名女兒分別為十歲的詠詩及八歲的詠琪。陳妻好賭成性，八年前欠債纍纍，無力償還惹來「大耳窿」上門追數，威嚇「叫佢小朋友小心啲！」陳為幫妻子還債亦曾惹禍上身，但妻子竟在這時候離家出走，留下歲半的大女及剛出世的細女。自此陳父兼母職，晚間在酒樓沙井工作的他，實行做「帶女洪郎」父女上陣，先為細女餵奶，再安置兩女兒在酒樓一角睡覺而自行開工，早上又先送大女上學才回家，日睡三小時。他說：「有乜辦法，唔可以獨留佢哋喺屋企，擔心有意外，惟有推架開工車，載住兩個女去酒樓，求個部長通融吓。」沙士時月入跌至數千元，陳只好食粥水慳錢來買奶粉。

棄厚職對女兒負責

偉大的單親爸爸還有吳德智，他十多年前與內地前妻因感情問題分開，留下一歲多的女兒吳婉瑜由他照顧，可是女兒小一時被確診有專注不足問題，加上前妻不時滋擾及工作壓力三管齊壓，吳患上抑鬱症。不過吳德智未想過放棄照顧女兒，去年更重投社會，不介意由以往兩萬多元的政府配藥員，轉任月入僅八千元的管理員，目的只為對女兒負責及供書教學。